एकेकाळी..
सोमवारची सकाळ म्हणजे शिवाच्या मंदिरातली घंटी आणि त्या कर्पूरगौर रूपाचे न्हाहुन घेतलेले दर्शन...
सोमवारची सकाळ म्हणजे धोब्या कडून कडक इस्त्री केलेल्या युनिफोर्मचा नाकात भिनलेला वास..
सोमवारची सकाळ म्हणजे आईच्या हातची फोडणीची खिचडी आणि पाठीवर लटकलेले दप्तर..
सोमवारची सकाळ म्हणजे कॉलोनितल्या सगळ्यां मैत्रिणींच्या नावाचा साताला झालेला उध्दार..
सोमवारची सकाळ म्हणजे शाळेतल्या मैत्रिणींचा सायकल स्टाण्ड वरील गोंधळ आणि शाळेला झालेला उशीर..
सोमवारची सकाळ म्हणजे रविवारी खेळण्याच्या नादात विसरलेला गृहपाठ आणि मैत्रिणीची मनधरणी..
आजकाल...
सोमवारची सकाळ येते तीच रविवारचा आळस आणि शनिवारचा कंटाळा घेऊन..
सोमवारची ऑफिस मधली सकाळ म्हणजे कामाचा ढीग, भरून वाहणारा ईनबॉक्स आणि कौफीचे घुटके..
सोमवारची सकाळ म्हणजे कॅन्टीन चा नाश्ता आणि बाहेरचे जेवण..
सोमवारची सकाळ म्हणजे डोळ्यात न मावणारी झोप आणि महत्वाची कॉन्फेरेनस..
सोमवारची सकाळ म्हणजे वैताग वैताग आणि वैताग....
No comments:
Post a Comment